Израелските власти во Ерусалим одобрија изградба на нови 942 станбени објекти за еврејските доселеници во источниот дел на градот, изјави претставник на локалните власти, кој додаде дека живеалиштата ќе бидат изградени во квартот Гило.
Израелската Влада пред два дена одобри проекти за други 1.187 станбени објекти на Западниот Брег и во источен Ерусалим.
Плановите за продолжување на изградбата на станбени објекти за еврејските доселеници ги разлути Палестинците, а меѓународната заедница ги оцени како несоодветни, имајќи предвид дека утре во Ерусалим се очекува да бидат обновени израелско-палестинските преговори.