Лондонската полиција денеска соопшти дека започнала со преиспитување на безбедносните процедури на сите јавни собири во британскиот главен град и дека низ Лондон ќе бидат распоредени дополнителен број вооружени полицајци.
Ваквите мерки се преземаат по синоќешниот терористички напад на концертот на Аријана Гранде во Манчестер, при што загинаа 22 лица.
– Спрецијалци од нашиот тим за планирање и експерти за безбедност детално ги преиспитуваат сите планови за претстојните маниферации во градот, соопшти лондонската полиција.
Со новите мерки ќе биде предвидено распоредување на дополнителни полициски сили и на помали манифестации, на кои првично не било предвидено присуство на полицајци во поголем обем, како и зголемување на бројот на патроли на вооружени и невооружени полицајци на клучните локации во Лондон.