Западот не сака крај на конфликтот во Украина и постигнување мир, изјави денес портпаролката на руското Министерство за надворешни работи, Марија Захарова.
Таа рече дека декларацијата за намера за распоредување мултинационални сили во Украина, потпишана од францускиот претседател Емануел Макрон, британскиот премиер Кир Стармер и украинскиот претседател Володимир Зеленски, има за цел да го поткопа мировниот процес во Украина.
– Свесни за неприфатливоста на таквото сценарио за Русија, Британците го користат како уште едно средство за поткопување на мировниот процес во кој се вклучени САД и продолжуваат со непријателствата до последниот Украинец, оцени Захарова, објави Спутник.