Руското Министерство за надворешни работи денеска ги обвини украинските вооружени сили дека ја кршат Женевската конвенција поради нападите во источна Украина и користат забранети оружја.
Портпаролката на руското МНР, Марија Захарова истакна синоќа Доњецк бил мета на напади на украинската армија која употребила и ракетни системи „Ураган“ и „Град“, а загинале неколкумина цивили, меѓу кои и деца.
– Нема никакво оправудвање за варварскиот напад врз Доњецк, со тоа Киев грубо ја прекрши не само Женевската конвенција од 12 август 1949 година за заштита на цивилното население за време на војна, туку и сите морални норми. Да бомбардираш град што спие, да уништуваш невини луѓе можат само вандали, истакна Захарова.