Захарова: Одлуката на Германија е очигледна навреда

Од:

Портпаролката на Министерството за надворешни работи на Русија Марија Захарова денеска ја оцени како „очигледна навреда“ препораката на германското Министерство за надворешни работи дека претставниците на Русија и Белорусија не се поканети на настаните по повод 80-годишнината од победата во Втората светска војна.

„Триумф на волјата, оживување на нацизмот“, напиша Захарова на нејзиниот канал ма Телеграм.

Таа така одговори на наводите на германскиот весник „Берлинер цајтунг“, кој повикувајќи се на затворен документ на германското Министерство за надворешни работи, објави дека Германија забранила да се покануваат руски и белоруски претставници на свечени настани на федерално, регионално и локално ниво, додавајќи дека институциите имаат право да избираат гости по сопствена дискреција.

Оваа година руските дипломати не беа поканети на настаните по повод 80-годишнината од ослободувањето на концентрациониот логор Аушвиц-Биркенау, што Москва го оцени како „богохулство“ и дел од пошироката антируска кампања за фалсификување на историјата на Втората светска војна.

Според официјалните податоци, за време на Втората светска војна, Советскиот Сојуз загубил околу 27 милиони луѓе, и воен персонал и цивили, што, според Риа Новости, претставува една од „најтрагичните страници на светската историја и клучниот придонес на СССР во победата над нацистичка Германија“.

Би можело да ве интересира

Мерц му порача на Израел: Дозволете хуманитарната помош да стигне до луѓето

(ВИДЕО) Масовен украински напад на Русија, хаос на аеродромите во Москва

Спречен украински воздушен напад врз Москва

За украдено плишано мече сопственикот нуди награда од 5.000 евра

А1он

(ВИДЕО) Град близу Москва нападнат со дронови – горат автомобили, погодена е зграда

А1он

Бербок потрошила 20.849 евра за шминка за три месеци, а Шолц 13.015 евра за четки за пудра