Портпаролката на Министерството за надворешни работи на Русија, Марија Захарова, денес изјави дека руските вооружени сили вршат напади исклучиво врз воени цели и објекти кои служат за поддршка на Вооружените сили на Украина (ВСУ) и дека „оштетувањето на цивилната инфраструктура е последица на дејствијата на украинската воздушна одбрана и електронското војување“.
„Сакаме уште еднаш да нагласиме дека руските вооружени сили целат исклучиво врз воени цели и објекти за логистичка поддршка на украинските вооружени сили. Оштетувањето на цивилната инфраструктура е последица на дејствијата на украинската воздушна одбрана и електронското војување“, изјави Захарова, пренесува ТАСС.
Претставничката на руската дипломатска мисија во Европската Унија беше повикана порано денес во Европската служба за надворешни работи, откако зградата на делегацијата на Европската Унија во Киев беше оштетена за време на ракетен напад во текот на ноќта.
