Булеварот Виа деи Фори Империали, кој минува покрај античкиот Колосеум во Рим е затворен за моторни возила, со исклучок на такси и јавен превоз, со цел зачувување на објектот од понатамошно рушење.
Експерти на полето на конзервацијата и реставрацијата изјавија дека густиот сообраќај во тој реон и издувните гасови ги оштетуваат ѕидовите на објектот.
Градоначалниот на Рим, Инјасио Марино, уште минатиот мај најави дека ќе се воведе забрана за сообраќај во таа зона со цел зачувување на Колосеумот и намалување на загадувањето.
-Мораме да одбереме дали повеќе ги сакаме автомобилите или сакаме да ја зачуваме градбата – изјави тогаш градоначалникот.