Одлуката за членство на Украина во НАТО ќе ја донесе украинскиот народ на референдум, изјави денеска украинскиот претседател Петро Порошенко по средбата со литванската колешка Далија Грибаускајте.
– Одлуката за присоединување или не во НАТО е во исклучива надлежност на украинскиот народ. Второ, на самитот на Алијансата во 2008 година е кажано дека вратата на НАТО е отворена за Украина и таа позиција се уште е актуелна, истакна Порошенко.
Генералниот секретар на НАТО, Јанс Столтенберг на седницата на Парламентарното собрание на Алијансата нагласи дека Украина може да стане членка доколку ги исполни потребните услови.
– Нашата политика не е промента. Вратата е отворена за земјите кои ги исполнуваат критериумите за членство. Тоа се однесува и за Украина, додаде Столтенберг.