Во Бразил денеска се одржува вториот круг од претседателските избори, на кој силите ќе ги одмерат актуелната претседателка Дилма Русеф и опозицискиот кандидат Аесео Невес.
Најновите анкети и даваат предност на Русеф од Работничката партија, но голем е бројот и на оние кои го поддржуваат нејзиниот противкандидат од редовите на десниот центар Невес, по една од најдраматичните претседателски камањи во Бразил.
Претседателската трка стана драматична кога главниот опозициски кандидат Едуардо Кампос го загуби животот во авионска несреќа во август, а Марина Силва, која дојде на негово место, веднаш оствари двоцифрено водство во однос на Русеф и Невес.
нејзината кампања беше фокусирана на незадоволството на граѓаните со јавните служби, кои беа повод за протести на милиони Бразилци минатата година, но не најде упориште во бирачкото тело, и гласачите ја напуштија за неколку недели.
По првиот изборен круг пред две недели, победничка беше Русеф со освоени 41,40 отсто од гласовите, а нејзиниот најголем ривал Аесио Невес, поранешен популарен гувернер на сојузната држава Минас од Бразилската социјалдемократска партија доби 33,68 проценти.Активистката за заштита на животната средина Марина Силва освои само 21,29 отсто од гласовите.