Во Полска денеска се одржува вториот круг од претседателските избори, во кој конкуренти се актуелниот претседател Бронислав Коморовски и опозицискиот кандидат Анжеј Дуда, а чиј исход не можат да го предвидат ниту анкетите, ниту аналитичарите.
Во првиот круг Дуда доби 34,76, а Коморовски 33,77 отсто од гласовите на избирачите.
Според анкетата направена меѓу 18 и 20 мај, Дуда (42) ужива во 51 отсто поддршка, додека Коморовски го поддржуваат 49 отсто од избирачите.