Вселенскиот брод „Сојуз ТМА-14М“, со кој пилотира руско-американски екипаж, успешно се закачи за Меѓународната вселенска станица (МВС), jaви ИТАР-ТАСС.
Вселенскиот брод полета доцна синоќа од космодромот Бајконур.
На спојувањето со МВС не му попречи ниту фактот што еден од сончевите панели на бродот не се отвори.
Карактеристично за овој лет е што во екипажот првпат во последните 20 години е вклучена и жена – руската космонаутка Елена Серова. Нејзината претходничка Елена Кондакова во 1994 година изврши петмесечен орбитален лет на станицата „Мир“.
На вселенскиот брод „Сојуз ТМА-14М“, исто така, се наоѓаат и космонаутот на „Роскосмос“ Александар Самокутјаев и астронаутот на НАСА Бари Вилмор.