Врховниот суд на САД го одби барањето на пет сојузни држави за останување во сила на локалните забрани за склучување истополови бракови, што може во блиска иднина да доведе до нивното легализирање во целата земја, јавија американските медиуми.
Судот го отфрли барањето за продолжување на забраната за бракови меѓу лица со ист пол на властите во Вирџинија, Висконсин, Индијана, Оклахома и Јута, кои се жалеа на одлуките на пониските судски инстанци.
На овој начин, исто половите бракови веќе се озаконети во 24 американски сојузни држави, Се очекува во најскоро време оваа бројка да се зголеми на 30, откако најновата судска одлука ќе се примени и во Колорадо, Канзас, Северна Каролина, Јужна Каролина, Западна Вирџинија и Вајоминг, кои, исто така, се жалат на одлуките на пониските инстанци.
Во 20 американски сојузни држави забраната е се уште во сила.