Врховниот генерал на Кина, Џанг Јуксија, е обвинет за пренесување информации за кинеската програма за нуклеарно оружје на САД и примање мито, објави „Волстрит џурнал“, повикувајќи се на извори.
Обвиненијата изнесени во истрагата против Џанг Јуксија, потпретседател на Централната воена комисија (ЦВК) на Кина, се за наводно формирање „политички групи“ и за создавање „мрежи на влијание“ и злоупотреба на своите овластувања во самата ЦВК.
Јуксија се сомничи и дека примал мито во замена за унапредување во највисокото тело на Комунистичката партија за носење на воени одлуки. Врховниот генерал се товари и дека наводно му помагал на поранешниот кинески министер за одбрана Ли Шангфу да напредува во замена за мито.
Кинеското Министерство за одбрана соопшти дека Џанг Јуксија е под истрага поради сомневање за тешко кршење на дисциплината и законот.
