Кениските воздухопловни сили бомбардираа два кампа на „Ал Шабаб“ во Сомалија, што е прв поголем воен одговор на минатонеделниот напад од страна на оваа екстремистичка група врз универзитетски кампус, во кој загинаа 148 лица, а околу 80 се повредени, соопштија безбедносните сили.
Борците на „Ал Шабаб“, сомалискиот огранок на Ал Каеда, минатиот четврток извршија напад врз Универзитетот Гарисо, на околу 200 километри од границата со Сомалија.
Воздушен напад вчера е извршен врз камповите во Гондодове и во Исмаил, кои се наоѓаат во областа Гедо на границата со Кенија.
Засега нема информации дали има жртви, ниту материјална штета во нападите.