Возач на теренско возило денеска намерно удрил во група луѓе во австрискиот град Грац по што најмалку три лица загинаа, а над 30 луѓе се повредени, јавија чешките медиуми.
Како што пренесе дописникот на МИА од Прага, полицијата соопшти дека возачот бил уапсен.
Очевидци тврдат дека возачот возел со брзина од 100-150 километри на час во центарот на вториот по големина австриски град кога удрил во луѓето.
Иако надлежните не соопштија колку жртви има медиумите јавуваат дека загинале две жени и седумгодишно дете.
Дел од медиумите информираат дека сторителот е 26-годишен Австриец од босанско потекло, кој делувал дезориентирано и можно е да бил нервно растроен.