Кина склучила таен договор со Куба за градење на објект за прислушавање на околу 160 километри од Флорида, пишува денеска Wall Street Journal (WSJ), повикувајќи се на официјален претставник од разузнавачките кругови.
Според весникот, ова ќе му овозможи на Пекинг да собира електронски комуникации од југоисточните американски држави каде што се наоѓаат бројни американски воени бази, а исто така ќе овозможи следење на поморскиот сообраќај.
Централната команда на САД е со седиште во Тампа, Флорида. Најголемата американска воена база Форт Либерти се наоѓа во Северна Каролина.
„Двете земји постигнаа начелен договор, а Кина ќе плати неколку милијарди долари на Куба за локацијата на шпионскиот објект“, пишува WSJ.