Војската помага во расчистување по поплавите во Австралија

Од:

Австралиската војска денеска е испратена во опустошените области од поплавите во североисточниот дел на земјата за да помогнат во расчистувањето, откако водата почна да се повлекува во повеќето области.

Поплавите оштетија илјадници куќи и деловни објекти во државата Квинсленд, а во некои области нема струја и има недостаток на храна и вода.

Бројот на жртвите е зголемен на шест, откако денеска се пронајдени тела на двајца мажи во еден поток, околу 90 километри западно од Бризбејн.

Околу 120 војници се ангажирани во најтешко погодениот град Бандаберг, кој го напуштиле околу 7.500 жители, од кои илјада се евакуирани со хеликоптери. Во овој град поплавени се 2.000 домови, како и 200 деловни објекта.

Жителите на Бризбејн се предупредени да ја штедат водатa, бидејќи градските прочистителни станици се под притисок на каллива надојдена вода. Локалните власти тврдат дека се подготвени доволни количества флаширана вода во случај резервоарите да откажат.

Се прават напори да се испорачаат потребни производи до населението во најодалечените области, кои се уште се отсечени од светот без струја и вода.

Ова лето Австралија е зафатена од екстремни временски услови. Додека Квинсленд е поплавен, јужниот дел на земјата е зафатен од суша и високи температури, кои предизвикаа стотици пожари.

Би можело да ве интересира

(ВИДЕО) Поплави го погодија југоисточниот дел на САД, загинаа најмалку девет лица

САД: Издадени предупредувања за ледена бура, Калифорнија се подготвува за поплави

Австралија: Медицински работници тврдат дека убиваат израелски пациенти

Горан Наумовски

Повеќе од 25.000 домови во Австралија без струја поради невреме

Откриен нов вид пајак: Нема противотров за него

Предраг Петровиќ

(ВИДЕО) Се урна мал авион во Австралија, тројца загинати

А1он