Еден австриски војник загина, а друг се здобил со тешки повреди за време на обука на северот на земјата, кога тенкот во кој се наоѓал западнал во ров, соопшти австриското Министерство за одбрана.
Возачот на тенкот (21) починал на место, додека другиот војник (27) со хеликоптер е префрлен во болница, а се уште не се знае колку се сериозни неговите повреди, се наведува во соопштението.
Останатите четворица војници кои се наоѓале во тенкот во моментот на несреќата поминале без повреди, а за овој инцидент ќе биде покрената истрага.