Военото крило на Хамас вечерва ги повика палестинските преговарачи во Каиро да не го продолжуваат 72-часовниот прекин на огнот со Израел доколку нивните барања, посебно тоа за отворање на пристаништето во Газа, не бидат исполнети и предупреди дека е подготвено да влезе во долга војна.
-Апелираме до палестинската делегација, која преговара, да не го обновува примирјето, освен по прифаќањето на нашите принципиелни барања, осебено за отворање на пристаништето, и доколку нема прифаќање тогаш бараме од делегацијата да се повлече од преговорите, изјави на телевизија еден од борците на Бригадата Изадин ал Касам, со лице затскриено со палестинска шамија.
Соопштението беше емитувано на катарската телевзија Ал Џазира, а го пренесоа и британските медиуми.
Тридневното примирје завршува утре во 8 часот по локално време (7 по средноевропско).