Доналд Трамп денеска ќе положи заклетва со што ќе стане 47-ми претседател на САД. Официјалната церемонија се очекува да започне околу 18 часот по наше време.
Свечената инаугурација, која вообичаено се одржува надвор од Капитол, беше преместена внатре поради големиот студ. Имено, се очекуваат температури до -11 °C.
Според објавениот распоред, откако ќе положи заклетва како 47. претседател на САД, Трамп ќе и се обрати на нацијата, а потоа ќе маршира низ градот до Белата куќа.
На улиците се очекуваат околу 200.000 негови поддржувачи.