Европска Унија доби околу 33 милиони дози вакцини против Ковид-19, изјави денеска претседателката на Европска комисија, Урсула фон дер Лајен.
– Вакцинацијата напредува, во моментот се доставени околу 33 милиони дози, 22 милиони луѓе веќе добија една доза, а седум милиони луѓе веќе примија две дози, посочи Лајен.
Таа додаде дека ЕУ планира да ја забрза вакцинацијата следните недели и месеци додавајќи дека се одобрени за употреба вакцини од други три компании.
Досега во ЕУ се одобрени вакцините на Фајзер/БиоНтек, од кои се купени 600 милиони дози, на Модерна – 160 милиони дози и на АстраЗенека – 400 милиони дози.
Покрај троа ЕК склучи договори за достава на вакцини во ЕУ на Џонсон и ЏОнсон, на Санофи-ГСК и на КјурВак.