Украинското воено обвинителство покрена истрага за дезертерство на над десет илјади украински војници, изјави главниот воен обвинител Анатолиј Матиос во интервју за весникот „Украинска правда“.
– Воениот обвинител истражува 5.870 кривични дела, кои ги извршиле 16.598 припадници на војската, од кои 1.648 се обвинети за неизвршување на наредби, истакна Матиос.
Според него 3.200 војници се обвинети за неодобрено напуштање на единиците, 10.266 за дезертерство, меѓу кои пет илјади војници, кои дезертирале, но останале на територијата на Крим.
Главниот украински воен обвинител изјави дека против 1.468 војници се покренати 118 обвиненија за избегнување на воената служба на други начини.