Помало торнадо го погоди вчера градот Јефремов, оддалечен околу 300 километри јужно од Москва, при што се повредени 20 лица, меѓу кои три деца.
Според Министерството за вонредни ситуации, во торнадото се оштетени 179 куќи, а ветерот кршел стакла, корнел кровови, уривал дрва и сообрајаќни знаци.
Министерството додаде дека повеќето од настраданите се повредени од скршените стакла и се здобиле со исеченици.
Оштетени се пет училишта, две градинки, девет административни згради и 18 продавници. На расчистувањето на теренот работат повеќе од 700 лица, а нема планови за евакуација на населението.