Русија ги отфрли обвинувањата дека се мешала во парламентарните избори во Грузија, изјави денеска портпаролот на Кремљ, Дмитриј Песков, додавајќи дека тоа веќе стана стандард за многу земји.
„Не, немаше мешање“, рече Песков, пренесе Интерфакс.
Тој додаде дека имало обиди на „европски актери“ да влијаат на изборите, но не и од Москва.
Зборувајќи за резултатите од изборите во Грузија, тој рече дека тоа се избори на грузискиот народ.
„Сега е многу важно ниту една трета земја да не се меша во резултатите на овие избори. Истата госпоѓа (претседателката Саломе) Зурабишвили рече дека не ги признава резултатите од овие избори, овластувањето на претседателот на Грузија да ги признае или не ги признае изборите. Во секој случај, сето ова е внатрешно грузиско прашање“, рече Песков.