Денес се одржува итен состанок на Советот за безбедност на Обединетите нации на барање на Венецуела, која го побара тоа откако САД го уапсија венецуелскиот претседател Николас Мадуро и неговата сопруга и ги префрлија во американски затвор.
Итниот состанок беше свикан со поддршка на постојаните членки на Советот за безбедност на ОН Русија и Кина, објавува „Гардијан“.
„Длабоко сум загрижен за можното интензивирање на нестабилноста во земјата, потенцијалното влијание врз регионот и преседанот што ова би можело да го постави за начинот на кој се водат односите меѓу државите“, изјави генералниот секретар на ОН, Антонио Гутереш.