Тројца спасувачи и еден пациент загинаа кога доцна синоќа се урна хеликоптер на итна помош во Словачка.
Спасувачката служба „Ер Транспорт Европа“ соопшти дека хеликоптерот се урнал во близина на селото Стрелники, набрзо откако леталото Бел 429 полетало со пациентот со скршена нога кон локалната болница.
Портпаролката на спасувачката служба Зузана Хопјакова изјави дека потрагата по урнатиот хеликоптер траела повеќе часови и во рано изутринава бил лоциран во густата шума.
Се уште не е позната причината за падот на хеликоптерот, кој утрово е пронајден на 240 километри од Братислава.