Во Сирија се борат неколку десетици Канаѓани од блискоисточно потекло, изјави вчера помошник-директорот на канадската Служба за безбедност и разузнавање Мајкл Пеирс.
Според податоци на разузнавањето, канадските државјани се присоединуваат како кон опозициските сили, така и кон екстремистичките групи, поврзани со Ал каеда, и кон владините војски, пишува весникот „Нешнл пост“.
– Понекогаш тие ја менуваат страната: на пример влегуваат во единица на Слободната сириска армија, по што преминуваат кон екстремистите од „Џебхат ал Нусра“ (Фронт на победата). Тешко е да им се влезе во трагата, изјави Пеирс.
Според него, тие по враќањето од Сирија, можат своите „умеења и вештини“ да ги применат во Канада“. Тој оцени дека вакви „вакви ветерани“ играат важна улога за радикализирање на младите во Канада.
Венсикот цитира податоци од Меѓународниот центар за истражување на радикализацијата при лондонскиот Кингс Колеџ: од 2011 меѓу 2.000 и 5.500 странци се вклучиле во редовите на опозициските сили во Сирија. Околу 600 од нив се Европејци, главно од Велика Британија, Холандија, Франција, Белгија, Данска и Германија.