Во САД: Полицајци се потсмеваат на девојка која нивен колега ја прегази на пешачки

Од:

Новата снимка од камерите на телото го откри скандалозниот момент кога полицаецот од Сиетл се насмеа на смртта на млада индиска студентка. Јахнави Кандула (23) загина во сообраќајна несреќа кога на 23 јануари на неа налета полициски џип додека поминуваше на обележан пешачки премин во близина на нејзиниот кампус.

Камерата го снимила моментот кога детективот Даниел Адерер, кој пристигнал на местото на несреќата, рекол дека полицијата може да „напише чек“ само откако Кандула настрадала. Адерер се насмеа и ја омаловажи смртта на девојчето додека беше на телефон со колега кој не се слуша на видеото.

– Да, само напиши чек од 11.000 долари. Таа има 26 години – изјави полицаецот.

Се слуша и како вели дека полицаецот што го управувал џипот возел со 80 километри на час.

Полицаецот кој го управувал автомобилот, Кевин Дејв, сепак возел со брзина од речиси 120 km/h во зона од 40 km/h.

Адерер е офицер за наркотици кој бил назначен да провери дали неговиот несовесен колега бил од дејство на дрога. Тој заклучил дека неговиот колега бил трезен и не користел опијати.

Полициската управа во Сиетл соопшти дека видеото на кое Адерер се насмевнува го забележал вработен за време на рутинска проверка.

Кандула во јануари преминувала раскрсница во близина на универзитетскиот кампус кога била фрлена 30 метри во воздух. Таа почина во болница еден ден подоцна.

Би можело да ве интересира

„Голф“ излета од автопатот Тетово-Скопје, четворица завршија во болница

Повеќе од 100 пожарникари се борат со шумскиот пожар во Јута

Шестмина повредени во сообраќајка на патот Гостивар-Кичево

Горан Наумовски

Во сообраќајка загина маж од Скопје

Девет државјани на Украина се повредени во сообраќајна несреќа во Полска

Чувари и осуденици од Србија повредени во сообраќајка