Случаите на Ковид-19 во Романија се петпати повеќе од официјалната статистика, според министерот за здравство, д-р Александру Рафила.
Според официјалните податоци, во Романија се заразени над два милиона лица со новиот коронавирус, од почетокот на пандемијата. Министерот за здравство изјави за телевизијата Антена 3, дека според него, реалниот број на заразени е над 10 милиони.
На прашањето колку Романци се заразени со вирусот, д-р Рафила одговори дека, според него, барем 10 милиони лица.
За задолжителна вакцинација против Ковид-19, министерот изјави дека нема дискусија на владино ниво.