Контраразузнавачката служба на Литванија денеска соопшти дека пасошот пронајден при претресот на руските канцеларии на водачот на платениците Евгениј Пригожин му припаѓа на негов двојник. Тие тврдат дека двојникот на Пригожин го користел споменатиот пасош за да влезе во Литванија во 2020 година, пренесува Ројтерс.
Шефот на Вагнер вчера полета за Белорусија во согласност со договорот со кој заврши бунтот на неговите борци. Во неделата рускиот медиум „Фонтанка“ објави фотографии наводно направени за време на рација на руската служба за безбедност во седиштето на канцеларијата на Пригожин во Санкт Петербург.
На фотографиите имало пасош на негово име. Сликите потоа беа избришани. Руските медиуми во саботата објавија дека во канцеларијата на Пригожин била пронајдена огромна сума на пари. Шефот на Вагнер набрзо објави дека се работи за пари наменети за платите на војниците и трошоците за транспорт на загинатите борци од фронтот.