Брод со повеќе намени опремен со два автономни подводни роботи се вклучи во операциите за потрага по малата подморница Титан која исчезна во близина на потонатиот брод Титаник во северниот дел на Атлантикот, објави денеска неговиот сопственик, норвешката услужна групација ДОФ.
Сканди Винланд пристигна на местото каде што се врши потрагата во вторник околу 19 часот по локално време, се вели во соопштението на ДОФ.
„Сканди Винланд распореди два ROV (далечински управувани подводни возила) за да придонесе во истражувачките напори собрани под команда на крајбрежната стража на Соединетите држави“, се вели во извештајот.
Повеќе бродови и авиони, вклучително и американски и канадски, се вклучени во трка со времето за да се пронајдат живи петте патници на малата подморница Титан, исчезнати од неделата во близина на потонатиот брод Титаник, чии резерви на кислород се очекува да истечат во четврток. .
Француски брод од Ифемер, исто така опремен со робот, бил испратен на местото на настанот.