Палестинските лекари во Појасот Газа денеска соопштија дека повеќе од 20 лица загинале во израелските воздушни напади извршени во последните 24 часа врз окупираната палестинска енклава.
Еден од нападите извршен во текот на ноќта меѓу неделата и понеделникот беше насочен кон камп во областа Муваси, хуманитарна зона прогласена од Израел, каде што загинаа осум лица, вклучително и две деца, соопшти болницата Насер во градот Кан Јунис во јужниот дел на Појасот Газа.
Болничката евиденција покажува дека уште шест лица загинале во напад на конвој со хуманитарна помош, две лица загинале во напад на автомобил во Муваси, а едно лице е убиено во одделен напад во областа.