Поради поплавите предизвикани од обилните дождови евакуирани се 200.000 луѓе кои живеат во близина на реките Парагвај и Парана, во југоисточните делови на Парагвај.
Парагвајските власти наведоа дека поплавите ги уништија посевите, куќите се поплавени и оти не може да се достави храна до 8.000 луѓе поради поплавените патишта.
Националниот секретаријат на Парагвај за вонредни ситуации соопшти дека Владата досега издвоила над три милиони долари за храна за семејствата погодени од поплавите.
Во главниот град Асунсион, околу 75.000 луѓе се евакуирани поради надојдената река Парагвај. Поголемиот број од нив живее во импровизирани шатори.