Сантијаго Пена, кандидатот на владејачката конзервативна партија Colorado победи на претседателските избори во Парагвај. По речиси сите пребројани гласачки ливчиња, 44-годишниот Пена доби 42,8 отсто од гласовите, објави националното избирачко тело.
Поранешниот министер за финансии имаше предност од 15 поени пред ривалот од левиот центар Ефраин Алегре (60) од коалицијата Concertacion, соопшти националното изборно тело. Во изминатите 76 години, партијата Partido Colorado загуби само еден избор во јужноамериканската земја и не беше на власт од 2008 до 2013 година.
Пред пет години Алегре загуби од Марио Абдо Бенитез, актуелниот претседател во заминување. На Абдо Бенитез не му беше дозволено повторно да се кандидира од уставни причини. Имено, претседателот има само еден мандат.
Парагвај има речиси седум милиони жители и заедно со Боливија е единствената земја во Јужна Америка без излез на море. Нејзини главни извозни производи се соја, електрична енергија и говедско месо. Покрај претседателот, новоизбрани се Сенатот, Претставничкиот дом и гувернерите, а според изборното тело, се чини дека Colorado го бранела своето парламентарно мнозинство.