Бројот на загинати во ракетниот напад на железничка станица во градот Краматорск се искачи на 57, соопшти регионалниот гувернер. Павло Кириленко додаде дека во нападот се повредени уште 109 лица.
„Оние со полесни повреди се пуштени дома, тешко повредените се пренесени во безбедни подрачја и им е укажана потребната помош“, рече тој.
Нападот се случи додека илјадници Украинци – главно жени и деца – чекаа воз да ги однесе на запад, до релативно безбедно место. Русија ги отфрли обвинувањата дека е одговорна. Наместо тоа, сугерираше дека ракетите биле украински.