Мароканските власти уапсиле две лица, осомничени за врски со извршителите на терористичкиот напад во Барселона, во кој беа убиени 13 лица, пренесоа британските медиуми, повикувајќи се на државната телевизија 2М.
Единиот од нив – маж на возраст од 28 години, бил приведен во Надор, во близина на шпанската енклава Мелила. Тој 12 години живеел во Барселона. Осомничен е за врски со Исламска држава и за подготовка на нападот врз шпанската амбасада во Рабат.
Не е утврдена директна врска меѓу него и ќелијата што се состоела од главно млади Мароканци, која го изврши нападот во Барселона. Но, тој на Фејсбук му се возхитувал на нападот.
Вториот бил приведен во градот Ужда, во близина на границата на Мароко со Алжир. Тој живеел во Рипол, јави мароканската телевизија, според која и двајцата биле уапсени во неделата.
Мароканските власти одбиле да дадат коментар на информациите за апсењата, додадоа британските медиуми.