Над 24.000 имигранти се истовариле на бреговите на Италија во изминатата година, соопшти денеска италијанското Министерство за внатрешни работи.
Во соопштението, меѓутоа, се истакнува дека ситуацијата и натаму не ја достигнала критичната точка.
– Речиси 9.000 лица дошле во Италија за само 40 дена, во периодот од 1 јули до 10 август оваа година, изјави италијанскиот министер Анџелино Алфано.
Три брода на кои се наоѓале вкупно 280 имигранти од субсахарска Африка спасени се вчера во Средоземното Море меѓу Сицилија и Тунис.
Приливот на имигранти, особено на Сицилија и Калабрија на југот на Италија, се засили во изминатите недели поради поволни временски прилики.