Службата за внатрешна безбедност на Грузија денес објави дека уапси тројца кинески државјани во главниот град Тбилиси поради обид за нелегално купување на два килограми „нуклеарен материјал“ – ураниум.
Заменик-шефот на грузиската Служба за државна безбедност изјави дека тројцата уапсени планираа да купат ураниум за 400.000 долари и да го транспортираат во Кина преку Русија, објави грузиската новинска агенција „Интерпрес“.
Ураниумот е „нуклеарен материјал“, се вели во соопштението, без да се наведе мотивот за планираната набавка.