Германската полиција успешно ја финализирала операцијата во која се уапсени 23 лица, на возраст од 19 до 55 година, а од нив 22 биле Албанци.
Официјалните податоци говорат дека станува збор за албанска банда, која во соработка со германска нарко група, го снабдувала нарко пазарот со дрога од Албанија.
Групата била следена долг период, а дрогата што ја набавувале во Албанија ја продавале во Дуисбург, Оберхаусен, Ботроп, Хаген, Соест и Падерборн.
Пред неколку дена била разбиена и втора албанска нарко група, при што биле уапсени 15 нејзини членови, сите по потекло од Албанија.