Германската полиција интензивно трага по непознат маж кој сексуално злоставувал девојче (8) во дворот на училиште во Лудвигсбург.
Тој и пришол на девојчето во училишната зона, а потоа почнал да врши полови дејствија врз неа. По извесно време девојчето успеало да побегне, а нејзиниот напаѓач заминал во непознат правец.
Случајот веднаш бил пријавен во полиција.
Според полицискиот извештај, истиот маж претходно бил забележан како во понеделник попладне во супермаркет на сексуално навредлив начин разговарал со две девојчиња.
Тие успеале да му побегнат, а непознатиот маж не успеал да им наштети.
Сите три девојчиња го опишале напаѓачот како маж на возраст меѓу 20 и 30 години, со кафена коса и облечен во кафени панталони и сива јакна. Со себе носел и црвен ранец.