Поради израелската блокада за испорака на помош преку копнени премини, 90 отсто од населението во Газа нема сигурен пристап до вода, а 80 отсто од граѓаните го изгубиле пристапот до изворите на храна, објави Канцеларијата за односи со медиумите во Газа.
„Недостигот на леб се влоши бидејќи 25 отсто од пекарите во Газа престанаа да работат, а други се на работ на затворање поради снемување гориво. Тешкиот недостиг на вода создаде криза бидејќи недостигот на гориво ги затвори бунарите и постројките за бигор, оставајќи 90 отсто од населението во Газа без сигурен пристап до вода“, се вели во соопштението, пренесе Ал Џезеира.
Во соопштението, исто така, се наведува дека програмите за управување со отпад и расчистување на патиштата во голема мера се стопирани бидејќи општините имаат приоритет на горивото за операциите на водоводните претпријатија.
Блокадата на испораката на помош создаде тешка здравствена и еколошка криза, особено во услови на пораст на температурите.
Беше објавено и дека недостигот на лекови и медицински материјали дополнително зафатил 150.000 пациенти со хронични заболувања и ранети, а транспортните и комуникациските системи речиси се урнати.