Филипинската армија денеска соопшти дека во вчерашните експлозии и пожари во касарната „Камп Бонифачио’’, што е лоцирана во централниот дел на Манила, биле повредени четворица офицери, деветмина војници и 12 пожарникари.
Филипинските медиуми пренесуваат дека од се уште непознати причини експлозиите почнале во магацинот за пластичен експлозив, а потоа од пожарот предизвикал серија експлозии и пожари во соседните бараки во кои имало различни видови оружје и муниција.
Според претставникот на филипинската армија, сите повредени се сместени во болница и никој од нив не е во животна опасност.