Комисијата за надворешна политика на романскиот Сенат денеска организира Меѓународна конференција на тема „Проширување на ЕУ. Етапа и предизвици за земјите од Западен Балкан“.
На Конференцијата учествуваат претставници од Македонија, од Албанија, од Босна и Херцеговина и од Србија.
Целта на средбата е поддршка на парламентарно ниво за проширувањето на ЕУ за земјите од Западен Балкан, како и поддршка за државите кои стремат да добијат кандидатски статус.
Конференцијата ќе биде отворена од претседателот на Комисијата за надворешна политика на романскиот Сенат, Петру Филип, а ќе се обратат и претседателот на Кимисијата за европски прашања и имиграција на италијанскиот Сенат, Пиер Фердинандо Касини, шефот на романската дипломатија Титус Корлацјан и професорот и поранешен преговарач на Романија со ЕУ, Василие Пушкаш.
На Конференцијата ќе биде усвоена декларација за поддршка на земјите од Западен Балкан за напорите за исполнување на целите за европската интеграција.