Телата на тројцата мажи се пронајдени во јама во близина на Буча, место кај Киев кое стана синоним за руските воени злосторства, соопшти украинската полиција.
Телата биле пронајдени вчера.
„Рацете на жртвите беа врзани, очите им беа покриени со партали, а на некои им беа затворени устите. На телата има траги од тортура“, се вели во соопштението на регионалната полиција на Киев.
Би-би-си пишува дека за ваквите информации не можело да се добијат независни потврди.
Москва ги отфрла тврдењата дека руските војници извршиле злосторства во Буча. Во исто време, Украина почна лов по 10 руски војници обвинети за воени злосторства во Буча.