Тројца мажи кои водеа глобална служба за лажни пасоши за најбараните бегалци во светот се уапсени во Британија откако истражителите ја разбија нивната 20-годишна „операција“.
Документите што им ги продале биле автентични, но со измама украдени од луѓе кои личеле на најбараните убијци, шверцери на оружје и дилери на дрога.
Нивната банда едноставно ќе ја отстранела вистинската фотографија на сопственикот на пасошот и ја заменувала со слика на бегалецот од правдата.
Еден од уапсените, 61-годишниот Ентони Берд, се верува дека доставил стотици пасоши што ги украе од ранлива популација чии документи требало да истечат, уверувајќи ги дека ќе им ги обнови. Берд е осуден на шест години и осум месеци затвор.
Истражителите на британската Национална агенција за криминал тајно го снимија Берд како се среќава со сопствениците на пасоши и ги убедува да соработуваат во измамата. Го снимија и како се јавува во Управата за пасоши.
Кристофер Зитек (67) бил посредник кој би ги зема пасошите од Берд и ги доставува до озлогласеното семејство Адамс, криминална група во северен Лондон, која потоа ги продава на бегалците. Тој е осуден на осум години затвор.
Меѓу клиентите кои плаќале до 15.000 фунти за пасош е и Џејми Акур, кој е осомничен и за убиство. Берд е виден како се среќава со соработник на Акур, кој бил следен од истражителите.
Алан Томпсон (72) пак го возел Берд на состаноци со криминалци и транспортирал пасоши, а е осуден на три години затвор.