Американските цариници, заедно со полицијата на Панама, запленија 1,5 тон чист кокаин и уапсија четворица колумбиски државјани, соопштија денеска официјални претставници на САД.
Американската служба за царинска и погранична заштита соопшти дека нејзино летало, додека патролирано на отворено море во близина на Панама Сити, воочило глисер во кој се наоѓале четири лица, буриња за гориво и поголем број пакети, јавија американските медиуми.
Екипажот на леталото ја информирал панамската полиција и на локацијата на која глисерот се наоѓал биле испратени три панамски пресретнувачи.
Глисерот запрел дури откако панамската полиција истрелала куршуми за предупредување, а сите четворица осомничени, кои имаат колумбиско државјанство, се уапсени бидејќи во бурињата е откриен кокаин.
Вредноста на запленатата дрога се проценува на 242 милиони долари.