Околу 160.000 луѓе протестираа низ улиците на Барселона со барање Шпанија да прифати повеќе мигранти, како што ветиле во 2015. година.
Шпанија до сега прифатила 1.100 бегалци, од 17.000 колку што се обврзале дека ќе примат. На денешниот протест градоначалничката на Барселона Ада Кулао ги повика граѓаните да излезат на улица и да го поддржат протестот со мотото „Сакаме да прифатиме“.
Протестот симболично завршил на обалата на Средоземното море, каде што во 2016. година повеќе од 5.000 мигранти го загубија животот.