Петнаесет лица загинаа, а 47 се повредени откако автобус со туристи се преврте на автопат во мексиканската држава Најарит во близина на мексиканскиот брег на Тихиот Океан, соопштија денеска властите во таа земја.
АП јавува дека меѓу загинатите има најмалку четири деца.
Официјални лица во блиската држава Гуанахуато изјавија дека сите патници во автобусот биле од градот Леон во таа држава, а локалните медиуми соопштија дека се враќале од градот на плажата Гуабајитос.