Австриската полиција уапси уште еден член на турската организација „Револуционерна народноослободителна партија/фронт (ДХХП-Ц), која важи за една од најопасните терористички организации во Турција.
Специјалната австриска полиција во вторникот во местото Габлиц го уапси 32-годишниот државјанин на Турција, кој наводно е еден од лидерите на ДХКП-Ц.
Австриската полиција го уапси Ецкан А., по кого германските власти имаа распишано потерница.
Пред четири недели во Австрија е уапсен Јусуф Т. чија задача била да собира финансиски средства за вооружената борба во Турција.
ДХКП-Ц е левичарско-екстремистичка организација формирана во 1994 година и се наоѓа на црната листа на ЕУ и на САД. Таа се бори против актуеланата власт и сака да воспостави комунистички систем со марксистичко-ленинистичко определување. ДХКП-Ц во Турција изврши повеќе бомбашки напади, а од 2001 година, според Државното обвинителств на Германија, во своите акции се повеќе користи бомбаши-самоубијци.