Руското Министерство за внатрешни работи соопшти дека во вчерашната антитерористичка операција во Грозни загинале 14 полицајци, пренесе ТАСС.
„Во текот на антитерористичката операција во Грозни загинаа 14 полицајци. Во моментов се разгледува прашањето тие да бидат предложени за државна награда“, посочи прес центарот на министерството.
Министерот за внатрешни работи Владимир Колоколцев денеска свика седница во министерството на која ги истакна професионализмот и хероизмот на полицајците, загинати во извршување на службените задачи.
Претходно беше соопштено за 10 убиени и 28 ранети припадници на полицијата.